一天收工後四個女仔約好左去旺角食餐好既歡送脫苦海既同事，
K唱唔成，四個患有選擇困難症既女仔企o係旺角街頭，
苦惱緊到底食乜好…
最後都係去食無新意既兆萬，
電梯門一開，15樓好多人，17樓好多人！
16樓冇乜人等，就揀左呢間未食過既泰和味。
餐廳資料～
店名：泰．和．味（泰、日、港美食放題）
地址：旺角西洋菜街1號兆萬中心16樓
電話：2780 8399
四個女仔嗌到成枱野食，其他人行過都笑……
日式：
有正常既蟹籽沙律、螺肉
蝦、南瓜同蕃薯天婦羅炸得好有水準！
刺身份量多，厚切，同埋唔算有雪味
「海帶」唔係中華沙律，唔好嗌錯啊～
甜品有現成糯米糍
泰式：
沙爹串燒唔好嗌豬牛羊一人一串，佢o的肉超大粒，唔會食得哂…
泰式雞翼個雞醬好好味！
菠蘿海鮮撈飯－雖然食飯好唔抵，但呢個真係好夠鑊氣
湯類有冬陰公湯同蕃茄蝦湯，幾醒胃的
飲品我地飲左青檸梳打，源源不絕供應！
甜品有幾款泰式糕點
港式：
炒蜆炒得超惹味，呢碟超快清哂！
炒野菇同炒翠玉瓜份量都好足，少人既時候嗌一份就夠喇
士多啤梨骨係咕嚕肉既朋友，個廚可能之前係酒樓大廚…
蒜蓉多士－雖然係滯，但見到都會流哂口水…
晚上9:30或10:30入座都會有唔同既折扣，
呢間係我食到捧住肚走，到第二日又回味想快o的去食既放題店啦！
朋友們！快o的約我去食啦～
