甜蜜圓滿的句號

食完晚餐飽飽的, 但黎到九龍城有咁多甜品店冇理由唔食架嘛!

我地一行8個人o係城南道同打鼓嶺道之間打左幾個圈,
最後就揀中金滿堂喇!!

靚D果邊

佢有兩邊既門口, 另一邊寫住golden hall既靚好多~~
不過就細間d, 得廿幾個位...
但因為我地要等多個人, 所以就同老闆講話等靚d o個邊既位啦!

MENU

我有食過淘大o個間, 兩間餐牌係一樣既~~

全家幅

呢張相我覺得可以做招牌banner~ 
為左影呢張相, d雪糕都等到溶喇...

咖啡雪芭

呢個係我既心水推介, 因為佢做得好香好濃咖啡味, 中間個果凍都好得意~

黃金草屋

new product! 不過佢最遲先到... 仲要係等好耐...
椰青入面裝住既係用椰水做既豆腐花狀既物體,
椰水就加冰另上,
最有心思就係粒冰係心型架!

冇名既拿破倫

好神奇我地發現餐牌上面冇既甜品!
我個朋友叫佢士多啤梨拿破崙!
其實佢出現o係舖頭入面其中一張大相,
本來以為一人份量, 點知一黎到係3人份量既size!!!
以為要差唔多$40, 點知只係$28~ o岩情侶黎share呢個!

今餐食得好飽, 影左好多相, 九龍城真係一個福地, 由樂富開始至食為先都有咁多種唔同既野食!
要多d去發掘更多龍城吃飯熱點喇!

推介美食: 咖啡果凍伴雪芭,黃金草屋,士多啤梨拿破崙

是次消費: 每人約HKD30 (宵夜)

朋友仔歡聚，唔駛去新彊都食倒yummy清真菜

間餐廳，聽就聽左好多次，但係食都係第一次去炸…
佢呢間係分店，總店就已經book哂冇位喇，
分店幾大，有兩層，佢安排左一張大木台比我地8個人。
個餐牌好多選擇，揀得10分鐘都唔夠就比侍應姐姐催喇…
佢有d 6人餐，8人餐，但我地冇揀倒，因為冇稔住飲佢d湯，所以散叫。

佢d菜上得好快呀！熱辣辣～

好大碟既清真拼盆，有5樣野，冷盤黎既…
隻肉唔知係咩肉，滑滑地似肥豬膏咁，
不過味道ok！

好似冇清真FEEL既賽螃蟹，不過都幾好味～

必食既curry！我地加埋蔥油餅咁食，佢仲有另外兩款餅揀，可以等侍應姐姐介紹。

好鍾意食風沙雞上面d風沙～炒得好香！

必食牛肉餅，d汁係一路食一路流出黎，

記得搵個瓷更兜住d湯呀！

我鍾意佢有得揀牛肉或羊肉餡小籠包，
羊肉餡有d羶，但值得一試～

總括黎講呢一餐好好味呀！
而且佢唔算太多人，做完一場之後二樓就淨番我地一木台，
可以放肆d大聲講野都冇問題，適合一班frd去聚呀！

推介美食: 牛肉餅，小籠包，清真拼盆
是次消費: 每人約HKD80 (晚餐)

九龍塘好味又抵食既餐廳

o係九龍塘想食平又好味既野，最好就係行到南山村食o個邊既餐廳～
因為3個人，所以唔係叫左好多野食…

風沙雞，個皮幾脆，不錯不錯～ 上面d風沙應該係炒蒜粒

我個friend話：豆腐好嫩～
呢個係泰式肥牛脆豆腐，不過d汁浸浸下搞到豆腐外皮唔脆lu…

賽磅蟹

嗌左先發現，兩碟餸都有西蘭花，
你可以見倒，魷魚超大塊！

有cream既凍朱，點可以唔一人一杯呢～


overall呢餐好正！又唔會趕你走（我地走o個陣都有其他空位），
但會多大學生出沒聚會呀，咁可能會嘈d啦～
整體都幾鍾意！

推介美食: 風沙雞,凍朱古力

是次消費: 每人約HKD100 (晚餐)